Жарияланды: 530

ҚР Қорғаныс министрлігінің Медициналық қамтамасыз ету бас басқармасының екі полковнигі сотталды

Астана. 13 тамыз. "Қазақстан Бүгін" Ақмола гарнизонының әскери соты ҚР Қорғаныс министрлігінің Медициналық қамтамасыз ету бас басқармасының екі лауазымды тұлғасын 8 және 4 жылға бас бостандықтарынан айырды, деп хабарлайды агенттік тілшісі ҚР ҰҚК-нің баспасөз қызметіне сілтеме жасап.

Баспасөз қызметінің ақпаратына сәйкес, олар ҚР Қылмыстық кодексінің 380-бабының 2-тармағында қарастырылған қылмыстарды жасағаны үшін кінәлі деп танылды. Көрсетілген тұлғаларға қатысты қылмыстық істі қан құю жылжымалы станциясын сатып алу кезінде бюджеттік қаржыны мақсатқа сай қолданбай, осы әрекеттерімен мемлекетке 193 млн. теңгеден астам сомада зала келтіргендері үшін ҰҚК әскери қарсы барлау департаменті қозғаған болатын. Сот қорғаныс ведомствосының азаматтық талабын бекітіп, сотталғандардан бірдей тәртіпте мемлекет пайдасына 193,5 млн теңге тәркілеп, оларды "полковник" әскери атағынан айыруды бұйырды. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін