"Құл болыпсыңдар": Кореяда жұмыс істейтін қазақ қызы өзін сынағандарға жауап берді

Видео желіде тарап, көптің талқысына түскен, деп жазады Caravan.kz.

"Қазақстанда да құл болып жүрміз. 150-200 мың алып кеңседе ақ көйлек киіп отырғаннан қарағанда Кореяда осылай зауытта, құрылыста қара жұмыс жасап миллион теңге тапқанымыз артық деп ойлаймын. Құл болсақ та, мал болып жүрсек те ақша жинап үйдегілердің жағдайын жасап жатырмыз. Осы жақта істеп жүрген қазақтар несиелерін жауып, үй, машина алып, жағдайын дұрыстап жатыр. Отбасын ойлап, қиыншылыққа шыдап жүрген қазақтарға ризамын", — деген ол. 

Желі қолданушыларының бір бөлігі "Дұрыс айтады" "Ең бастысы таза еңбек" деп қолдаса енді бірі "Миллионды ауылда отырып та табуға болады" деген сынды пікірлерін жазған.