Бұл туралы Caravan.kz медиа порталы Tengrinews.kz-ке сілтеме жасап хабарлайды.
Қытайдың оңтүстік-батысында орналасқан "Байхэтанды" 2022 жылы толық пайдалануға беру жоспарланған. Әзірге әрқайсысының қуаты 1 миллион киловатт болатын 16 энергоблоктың алғашқы екеуі іске қосылған.
Осылайша, СЭС-тің жалпы белгіленген қуаты 16 миллион киловатт, ал жыл сайын "Байхэтань" сағатына 62 миллиард киловатт өндіреді. Барлық 16 генератор пайдалануға берілгеннен кейін су электр станциясы тәулігіне 500 мың адамның жылдық сұранысын қанағаттандыратын болады.
Бұл станция қуаты бойынша әлемде екінші саналады. Қытайдың Хубэй провинциясындағы "Үш шатқал" СЭС-і бірінші орында. Онда 2020 жылы өндіріс сағатына 103,1 миллиард киловатт болған. Бұл бір су электр станциясындағы энергия өндірісінің әлемдік рекорды.
"Байхэтань" СЭС-інің іске қосылуы Қытайдағы көмірқышқыл газының жыл сайынғы эмиссиясын 51,6 миллион тоннаға қысқартуға мүмкіндік береді деп күтіледі. Станция сонымен қатар Шанхайға және Қытайдың шығысындағы басқа қалаларға қосымша қуат жіберуге мүмкіндік береді.
