Жарияланды: 550

Ресей Оңтүстік Осетиядағы оқиғаларға байланысты Грузия ұстанымын қолдап отырған елдерге қатысты өз қатынасын өзгертпейді - Қазақстандағы Ресей елшілігі

Астана. 12 тамыз. "Қазақстан Бүгін" - Ресей Оңтүстік Осетиядағы оқиғаларға байланысты Грузия ұстанымын қолдап отырған елдерге өз қатынасын өзгертейін деп отырған жоқ. Бұл туралы бүгін Ресей Федерациясының Қазақстан Республикасындағы елшілігінде өткен баспасөз мәслихатында Қазақстандағы РФ істерін жауаптанған уақытша сенімді өкіл Владимир Спринчан мәлімдеді, деп хабарлайды "Қазақстан Бүгін" агенттігінің тілшісі.

"Ресей басшылығы осы оқиғалардың Ресейді қолдайтындар мен одан өзге ұстанымдағы елдер болып әлемді екіге жаруын қаламайды", - деді В. Спринчан. "Уақыт бәріне төреші. Оңтүстік Осетияда не болғаны жайында деректі құжаттар жарияланып, осыған негізінен кім кінәлі деген сауал туындаған кезде қоғамдық пікір де бір арнаға қарай ойысады деген ойдамын", - деді В. Спринчан. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть