Ресейдің Ростов-на-Дону қаласында мектеп жанында жарылыс болды, деп хабарлайды Baq.kz шетелдік БАҚ-қа сілтеме жасап.
Жедел қызмет қызметкерлері оқиға орнына аттанды. Нақтыланған ақпаратқа сүйенсек, төтенше жағдай мектеп жанында болған.
«№ 5 лицей күзетшісі мектеп аумағын аралап жүрген кезде жерде қалта шамына ұқсас зат жатқанын байқаған. Оны көтере бергенде, жарылыс болды», — деп жазады БАҚ.
Салдарынан ер адам бір саусағынан айырылды, сондай-ақ кеуде тұсын күйік шалған. Күзетші ауыр халде ауруханаға жеткізілді.
Қазір аталған іске қатысты тексеріс жүріп жатыр.