Бұл туралы Caravan.kz медиа порталы хабарлайды.
Бағдарламаға Жазира Асан есімді қыздың анасы қызының із-түзсіз жоғалып кеткенін айтты. Бірде бала күтуші болып, бірде саудамен айналысып жүргенін айтып жүрген қыз хабарсыз кеткен. Ал жезөкшелік жолға еркінен тыс түскенін айтуға қорқып ата-анасына алдаған.
Жезөкшелікке ойламаған жерден, ұрып-соғып, қорқыту арқылы түскен Гүлнұр есімді құбысы бағдарламада болған жайттың барлығын бүкпесіз жайып салды. Айтуынша Гүлнұр Феберлик компаниясынан тауар алып сатпақшы болған. Екі-үш рет тапсырыстан соң, арнайы топ бақылап, "мамаша" Эльмира есімді азаматша үш еркекке ұстатып жіберген.
— Үш еркек бір үйге апарды. Ол жерде тағы ер адам күтіп алып саудаласты. Менің жылап, қайтамын дегеніме ешқайсысы құлақ аспады. Тек сөзге келмей, қарсылық танытсаң қолына түскен затпен ұрады. Бір бөлмеде қамап ұстады. Екі күн тамақ түгілі, жұтым су да ішпедім. Қатты қиналдым. Ол жердегі еркектер үйреніп кетесің, ештеңе етпейді деп айтты.
Гүлнұрдың айтуынша үйге кірген бірнеше еркек сол жерде бірнеше мәрте зорлаған.
"Сағатына 10 мың теңге. Бір күнде 4 қыз 1 миллион шығарасыңдар. Жоқ дегенде бір күнде 100 мың табуларың керек дейді. Бірақ бізге мүлдем ақша бермейді. Барлық ақшаны Эльмира тартып алады", деп көз жасын тоқтата алмаған Гүлнұр бағдарламадан қолдау мен өзін қорғауын сұрады.
Кейін Жазира екеуі аталған қылмыстық топтың құрығынан түнделетіп қашып шыққан. Осылайша Жаңатасқа барып жасырынған. Олардың қашып шығуына клиенттердің бірі көмектескен екен.
Журналист Жан Ахмадиев "мамамшалар" мен полиция бұл жиіркенішті әрекетті бірігіп жасайды. Бұған бір тоқтау қою керек. Осы мәселені шешетініне сенемін" дейді Жан Ахмадиев.
Жан Ахмадиев еркектер қыздардың түріне қарап, зорлайтын қыз, зорламайтын қыз деп біледі дейді.
