ҚР Үкіметінің ҚР нормативтік құқықтық актілері ақпараттық-құқықтық жүйесі порталында жарияланған қаулысы (а. ж. 23 шілдедегі № 570) мәтінінде көрсетілгендей, көмірсутектерін барлау, өндіру, өңдеу және тасымалдау жөніндегі ұлттық оператор акцияларын жүз пайыздық ұстаушы «Самұрық-Қазына» қарапайым акциялардың 10 пайызын Ұлттық банктің пайдасына тәуелсіз бағалаушы белгілеген бағамен иеліктен шығаруы тиіс.
«Самұрық-Қазына» Ұлттық әл-ауқат қоры» акционерлік қоғамы «ҚазМұнайГаз» Ұлттық компаниясы» акционерлік қоғамының 10 (он) пайызды құрайтын 58420748 (елу сегіз миллион төрт жүз жиырма мың жеті жүз қырық сегіз) қарапайым акцияларын және плюс 1 (бір) қарапайым акциясын тәуелсіз бағалаушы белгілеген бағамен, бірақ та 750 000 000 000 (жеті жүз елу миллиард) теңгеден кем емес бағамен Қазақстан Республикасының Ұлттық банкі пайдасына иеліктен шығаруы тиіс», — делінген құжатта.
Қаулы жарияланған күнінен бастап күшіне енеді.