Жарияланды: 330

Санкт-Петербургтегі лаңкестікке қазақстандықтың қатысы бар деп әзірге айта алмаймыз - ҚР СІМ

Санкт-Петербургтегі лаңкестікке қазақстандықтың қатысы бар деп әзірге айта алмаймыз - ҚР СІМ  Сурет - spb_today/vk.com

ҚР СІМ баспасөз қызметінің басшысы Әнуар Жайнақов өзінің Фейсбук парақшасында Санкт-Петербургтегі терактіге қазақстандықтың қатысы болуы мүмкін деген ақпаратқа қатысты пікірін білдірді.

Бұл туралы ҚазАқпарат хабарлады.

«Кейбір БАҚ-та 3 сәуір күні Сант-Петербургтегі терактіні орындаушы  Қазақстан азаматы болуы мүмкін деген ақпарат пайда болды. 3 сәуір күні жергілікті уақытпен 21:06-да Санкт-Петербургтегі Қазақстанның Бас консулына алматылық Ирина Арышевадан телефон қоңырауы келіп түсті. Ол жарылыс туралы ақпараттан кейін Санкт-Петербург экономикалық университетінің 3-курсында оқитын өзінің ұлы, 09.08.1996 жылы туған Арышев Максим Витальевичтің байланысқа шықпай қалғанын айтқан. Санкт-Петербургте М.Арышев өзінің дос қызымен, әпкесімен және жездесімен бірге тұрады. Туыстарының хабарлауынша, Максим соңғы рет 3 сәуір күні 14:30-да сабақтан шығып, Сенная площадь стансасынан Технологиялық институт арқылы үйге қайтып келе жатқанын хабарлаған», - деп жазды Әнуар Жайнақов.

Қазіргі уақытта Санкт-Петербургтегі Қазақстанның Бас консулы теракті құрбандарын тану жүргізіліп жатқан ауруханада. Астана уақытымен таңғы сағат 5.30 жағдайында құрбандар арасында Қазақстан азаматтарының жоқтығы анықталды. "Максим Арышевтың Санкт-Петербургтегі терактіге қатысы бар деп айтуға әлі ерте. Оны іздестіру жұмыстары жалғасып жатыр», - деді ҚР СІМ баспасөз қызметінің басшысы Әнуар Жайнақов.

Пікір қалдырыңыз

Пікір қалдыру тіркелген пайдаланушылар ғана мүмкін