ФСБ мәліметінше, метрода өзін жарып жіберген Акборжан Жалиловты терактіге жерлесі Аброр Азимов дайындаған екен. Құқық қорғаушылар оны орман ішімен темір жолға қарай беттеп бара жатқан жерінен ұстаған.
Қауіпсіздік қызметкерлерінің "не үшін ұсталғаныңды білесің бе?", — деген сауалына Азимов "Иә" деп жауап берді. Оны тінту кезінде оқталған тапанша мен ұялы телефон және телефонның қорабы тәркіленіп алынды.
Ұсталған күдікті Ресей Тергеу комитетіне жеткізілді. Кейінірек белгілі болғандай, Аброр Азимов 2013 жылдың 25 мамырында Қырғызстан Республикасының азаматтығынан айрылған екен. Ол туралы президенттің жарлығы да шыққан.