Баспасөз қызметінің ақпаратына сүйенсек, кездесу барысында ұжымдық әлеуметтік жауапкершілік, еңбек қатынастары жөніндегі мәселелер талқыланған.
Б. Сапарбаев Бо Чилянмен болған әңгіме кезінде Қызылорда және Оңтүстік Қазақстан облыстарындағы әлеуметтік маңызды жобалар бойынша компания жүргізіп отырған жұмыстардың маңыздылығына тоқталып, компания басшылығы жергілікті және шетелдік мамандардың айлық жалақыларында айтарлықтай айырмашылыққа жол бермеуге тиіс екенін атап көрсетті.
Баспасөз қызметінен хабарлағандай, PetroKazakhstan басшысы компания үшін бизнестің әлеуметтік жауапкершілігінің маңыздылығы жөнінде толық түсіністік білдіріп, министрлікпен және жергілікті атқару органдарымен әлеуметтік маңызды жобаларға қатысу туралы меморандумға қол қоюға дайын екендіктерін мәлімдеді.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті