Ресми мәліметке сәйкес, 28 қаңтарда сағат 10:54-те жедел жәрдемге Павлодардағы Успен көпірі маңайында ер адам жатқаны туралы хабар түсті, деп хабарлайды Caravan.kz медиа-порталы Sputnik Қазақстан сайтына сілтеме жасап.
Оның аяғын пойыз басып өткен. 58 жастағы ер адамды жақын жердегі облыстық клиникалық аурухананың стационарына жеткізген. Ол қатты шокта болды. Пойыз екі табанын кесіп кетті.
Бұдан бөлек, оң қолының екі саусағы ішінара жұлынды. Оған шұғыл ота жасалды.
Қазіргі кезде ер адамның жағдайы ауыр, жансақтау бөлімінде жатыр.