Жарияланды: 400

Саябақта сабантой ұйымдастырылды - Павлодар

Павлодарда осымен 20-шы рет Сабантой мерекесі ұйымдастырылды.

Жыл сайын, жаздың басында, татар-башқұрт этномәдени бірлестігі қалалық саябақта татар хоры мен би ұжымдарының қатысуымен концерт ұйымдастырады, әсем ән шырқалып, сырнай ойналады. Мерекеге бірлестіктің аудандық бөлімдерінің мүшелері мен тарихи отандарынан қонақтар келеді. Биылғы Сабантойға 1 мыңға жуық қала тұрғыны жиналды. Онда халық самаурыннан шай ішіп, дәмі тіл үйіретін шак-шактан, ұлттық асхананың түр-түрінен дәм татты. «Бұл егіннің егу науқанын қорытындылайтын байырғы мереке. Адамдар бір-біріне мол астық, аман-саулық тілейді», дейді татар-башқұрт бірлестігінің жетекшісі Минир Галеев. Татар-башқұрт диаспорасымен бірге сабантойды Қазақстан халқы облыстық Ассамблеясының барлық этномәдени бірлестіктерінің өкілдері тойлады.

Пікір қалдырыңыз

Пікір қалдыру тіркелген пайдаланушылар ғана мүмкін