Семейде орнатылған Мәншүк Мәметованың ағаш мүсіні әлеуметтік желілерде дау туғызды, деп хабарлайды Stan.kz ақпарат агенттігі Arnapress.kz басылымына сілтеме жасап.
Мүсін Жеңіс саябағында орнатылған. Тұрғындар ме желі қолданушылар арасында сын тудырды. Кейбір қазақстандықтар мүсінде екінші дүниежүзілік соғыстың батыры Мәншүк Мәметова бейнеленген деп болжайды.
«Кешіріңіз, бірақ бұл ұнамсыз», «Көркемдік кеңесі қайда? Кім рұқсат беріп отыр бұған?», «Мәншүк Мәметова фотосуреттерде де, киноларда да өте әдемі, бірақ бұл не, мұнда түрі өте қорқынышты», деп жазады әлеуметтік желіні қолданушылар.
Пайдаланушылардың айтарлықтай бөлігі оң пікірлер қалдырған.
Әкімдік шағын сәулет нысандарының жобалары бюджеттен тыс қорлардың есебінен жүзеге асырылатынын айтты.
«Жобаны жүзеге асыру барысында Ұлы Отан соғысының субьектілері мен материал, сонымен бірге оны өңдеу техникасы ескерілмеген болуы мүмкін», — деп түсіндірді қала әкімдігі.
Жеңістің 75 жылдығына жоспарланған алаңды қайта құруға байланысты композицияны Жеңіс алаңынан білім басқармасы анықтаған жерге ауыстыру туралы шешім қабылданғаны туралы хабарланды.
Arnapress.kz тілшісі Юлия Куртуновамен кездесті. Ол күйеуі Иван екеуі осы жобаның авторлары мен жасаушылары. Олар жұмысы Семей қаласының тұрғындары арасында дау тудырғанынан хабардар.
Авторлар Мәншүк Мәметованың мүсінін жасағанын растады.
«Мәрмәр немесе ағаштан жасалғаны маңызды емес, мұнда атмосфера маңызды. Жеңіс саябағында Кеңес Одағының Батырларына арналған ескерткіштер, танк ескерткіші қойылады. Мәншүк Мәметова — қайтыс болғаннан кейін Кеңес Одағының Батыры атағын алған алғашқы әйел. Ол мүсін жасауға лайықты», — деді Юлия.
Оның айтуынша, күйеуі екеуі әлеуметтік желілердегі жағымсыз пікірлерге назар аудармайды. Қарсы болғандардан, қолдағандардың пікірі көп дейді.
«Түсіністік танытатын мейірімді адамдар көп. Менің ойымша, өздері ештеңе істей алмайтындар ғана солай сын айтып отырады», — дейді ерлі-зайыптылар.
Сонымен қатар, ол осы мүсіннің тапсырыс берушісі кім және ол қанша тұрады деген сұраққа жауап берді.
«Бұл сіздің керемет әкіміңіз Ермак Бидахметұлының бастамасы. Ол мүсіндерді қалаға ағаштан тұрғызу үшін бізді арнайы шақырды. Әрине, бұл ауыр жұмыс. Біздің төрт баламыз бар, біз оларды қалайда асырауымыз керек. Мүсін құны қымбат емеспіз, арзан», — деп бөлісті Юлия.
