Жарияланды: 380

Сенат отырысының күн тәртібі белгіленді

Бүгін Парламент Сенатының Төрағасы Қайрат Мәмидің жетекшілігімен палатаның Бюро отырысы болды. Бюрода 2012 жылғы 15 қарашада болатын Сенаттың кезекті отырысының күн тәртібі талқыланды. Бұл туралы Сенаттың баспасөз қызметінен хабарланды.

Атап айтқанда, палатаның жаңадан тағайындалған депутаттар Владимир Бобров пен Серік Нөгербековті Парламент Сенатының тұрақты комитеттерінің құрамына сайлау мәселелерін қарау жоспарланып отыр. Отырыста депутаттарды халықаралық парламенттік ұйымдарға және шет мемлекеттер парламенттерімен ынтымақтастық топтарына жіберу туралы Сенат қаулысына енгізілетін толықтырулар талқыланады. Одан басқа, еліміздің кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы заң жобасын екінші оқылымда қарау көзделген.

Пікір қалдырыңыз

Пікір қалдыру тіркелген пайдаланушылар ғана мүмкін