Сенаторлар жақында Зеленов және Теректі аудандарында болған еді. Бұл туралы Сенаттың баспасөз қызметінен хабарланды.
Сапар аясында депутаттар Киров-Шежін су арнасын жаңғырту барысымен танысты. Бұл Жайық-Көшім жүйесінен Үлкен Өзенге су беруге арналған айдынаралық су жіберу стратегиялық нысаны болып табылады. Айдынаралық су жіберуге және Ресей Федерациясына суға тәуелділікті азайтуға арналған арна жедел жаңғырту жұмыстарын жүргізуді қажет етеді. «Парламент депутаттары сондай-ақ бюджетаралық қатынастарды және жаңа бюджет саясатының тұжырымдамасын талқылау үшін бюджет саласының қызметкерлерімен және облыстық мәслихат депутаттарымен кездесуді жоспарлап отыр», делінген баспасөз баянында.