Ақпаратқа қарағанда, ұсталғандардың арасында — полиция қызметкеріне қастандық жасады деген күдікті бар. Алдын ала жүргізілген тергеу мәліметтеріне сәйкес, қолға түскендер — республиканың әр аймағынан келгендер. Алматы ІІД, тек біреуінің ғана «Шаңырақ» ықшам ауданында жер учаскесі барын атап көрсетті.
Сондай-ақ, құқықорғаушылар «Шаңырақ» ықшам ауданында болған топалаңда жанармай құйып өртеп жіберген Бостандық аудандық ІІБ 24 жастағы тергеушісі Әсет Баимбетовтың халі ауыр екенін хабарлады. Бассыздық кезінде 34 ішкі істер қызметкері жапа шекті, олардың 16 ауруханаға жеткізілген.
Осыған дейін айтылғандай, «Шаңырақ» ықшам ауданында полиция қызметкерлеріне қарсылық көрсетілген болатын. Тұрғындар басып алынған жердегі баспаналарының қиратылуына наразылық танытқан.