Шекарашы Челахтың қорғаушысы БҰҰ-ның адам құқықтары жөніндегі комитетіне арыздануға әзір

"Арқанкерген" бекетінде 15 адамды өлтірді деп айып тағылған шекарашы Владислав Челахтың қорғаушысы Серік Сәрсенов оны қорғау үшін Қазақстандағы бүкіл инстанцияларға арызданбақ,

керек болса, БҰҰ-ның адам құқықтары жөніндегі комитетіне арыздануға әзір.

«Мен оған (Челахқа — ИФ-К) сот әділ өтеді деп сенуге болмайтындығын ескерттім. Қандай жағдай болса да дайын болуымыз керек. Бар үмітіміз-БҰҰ-ның адам құқы жөніндегі комитеті», деді С.Сәрсенов «Интерфакс-Қазақстанға» дүйсенбіде Талдықорғанда.
Адвокат атап өткендей, алдын-ала тыңдау кезінде В.Челах сабырлық сақтаған.
Дүйсенбіде алдын-ала тыңдау барысында қабылданған шешімге орай, В.Челахқа қатысты сот Талдықорғанда қалалық сотта 19-қараша күні өтпек. Сот отырысы ашық болмақ.