Шенеуніктердің қызмет бабындағы көліктерді жеке басы үшін пайдалануы бақылауға алынбақ

Қазақстандық шенеуніктердің қызмет бабындағы көліктерді жұмыс уақыты емес кезде жеке басы үшін пайдалануы бақылауға алынбақ, деп хабарлады республиканың экономикалық және сыбайлас қылмысқа қарсы күрес мемлекеттік агенттігінің ресми өкілі Мұрат Жұманбай.


           "Қазір біз жүргізушілер қауымдастығы және "Нұр Отан" партиясымен бірлесіп акция жарияладық, оның барысында әр азамат лауазымды тұлғаның қызмет бабындағы көлікті жұмыс уақыты емес кезде пайдалану фактісін тіркеп, ол ақпаратты аталған ұйымдардың электронды мекен-жайларына жібере алады", деді ол Астанада сәрсенбіде баспасөз мәслихатында.
           "Бұл ұйымдар материалдарды қаржы полициясының органдарына береді, тексеру жүргізілген соң процессуалды шешім қабылдайтын боламыз", деді ол.