ШҚО: қамауда отырған РФ азаматын соққыға жығу фактісі бойынша сот-медициналық сараптама белгіленді

«Қазіргі уақытта тексеру материалы бойынша нақты жағдайларды анықтап, процессуалдық шешім қабылдау үшін комиссиялық сот-медициналық сараптама белгіленді, оны өткізу ҚР ДСМ «Сот медицинасының орталығы» РМКК Семей филиалының мамандарына тапсырылды», - делінген М. Жұмабайдың ҚазТАГ сұранымына берген жауабында. Хабарламада айтылғандай, «2011 жылдың 7 мамырында ШҚО бойынша ҚАЖД лауазымды тұлғаларының қызмет бабын асыра пайдалану фактісі бойынша ақпарат қолданыстағы қылмыстық-процессуалдық заңнамаға сәйкес тіркелді». Қаржы полициясы комиссиялық сот-медициналық сараптаманың нәтижесі мен қабылданған процессуалдық шешім туралы жұртшылыққа хабарлайтынына уәде беріп отыр. Бұған дейін колониядағы дереккөзге сілтеме жасап хабарланғандай, 7 мамырда Шығыс Қазақстан облысы бойынша ҚАЖКД бастығы Дулат Ахметов ОВ 156/17 колониясында қамауда отырған РФ азаматы Роман Ганинді ұрып-соққан. Бұл факт бойынша аймақтық арнайы прокуратура мен қаржы полициясы тексеру жүргізді. Қылмыстық-атқару жүйесінің комитеті (ҚАЖК) бұл фактіні арандатушылық деп атады. «ШҚО бойынша департамент бастығы қамаудағы азаматты ұрып-соғуға баруы мүмкін емес. Керісінше, ол тәртіпті бақылайды», - деген болатын ҚАЖК ресми өкілі Самал Ғадылбекова. Ол ҚАЖК тексеру шаралары «2-3 күнге, оқиға орнына бару керек болса (ШҚО-ға) одан да көпке жалғасатынын» айтты. «Осыдан кейін ресми түрде толық жауап береміз», - деген болатын ҚАЖК өкілі. Алайда ҚАЖК тексеру қорытындысын әлі жариялаған жоқ. ОВ 156/17 колониясы «қызыл зона» деген атаумен белгілі, онда құқық қорғау органдарының және мемлекеттік құрылымдардың сотталған қызметкерлері жазаларын өтейді, ол Жарма айданының Жаңғыз төбе (Солнечный - ҚазТАГ елді мекенінде орналасқан.