Independent Critics тәуелсіз сыншылары 2020 жылдың ең сымбатты 100 ер адамының рейтингін жасаған. Тізім TC Candler YouTube-каналында жарияланды.
Рейтингте көш бастаған Фелекс Чельбергтің YouTube-каналында 108 миллион жазылушысы бар. Forbes мәліметінше, 31 жастағы блогердің байлығы 2018 жылы 15,5 миллион долларға тең болған.
Екінші орында — оңтүстіккореялық әнші, BTS музыкалық тобының мүшесі Ким Тхэхен. Оның лақапаты — Ви.
Үшінші орынға аустралиялық актер Крис Хемсворт лайық деп танылды. Ол Marvel кинематография ғаламындағы Тордың ролінде ойнап, жұлдызы жанған.
Төртінші орынға BTS тобының тағы бір мүшесі Чон Джонгука жайғасты. Әнші бойзбендтегі бас вокалшы әрі ең жасы. Корея дыбыс жазу компаниялары қауымдастының мәліметінше, Джонгук — топ дискографиясының алты композициясының авторы.
Бестікті ұлыбританиялық актер Генри Кавилл қорытындылап тұр. Өнер иесі көрерменге "Война богов: Бессмертные", "Средь бела дня", "Человек из стали", "Бэтмен против Супермена: На заре справедливости", "Лига справедливости", "Миссия невыполнима: Последствия" фильмдері мен "Тюдоры" және "Ведьмак" сериалдары арқылы жақсы таныс.
Рейтингке 40 елдің өкілдері енген. Тізімде актерлер, модельдер, блогерлер, музыканттар мен спортшылар бар. Рейтингті жасағандар ең сымбатты адамды таңдау оңай емесін, сондықтан көптеген қолданушы бұл тізіммен келіспеуі мүмкін екенін айтады. Алайда авторлар қатты сынамауды сұрап отыр, өйткені 125 мың үміткердің ішінен 100 адамды таңдағанын мәлімдеді.
