Шығыс Қазақстан мемлекеттік университетінің түлектері дипломдарын алды

Дипломдарды оларға облыс әкімі Бердібек Сапарбаев пен университет ректоры Бейбіт Мамраев табыс етті. Биыл университетті 2520 жас маман және тағы 64 магистр бітіріп шықты. «Дипломмен ауылға» республикалық акциясының аясында 92 жас маман ауылға барғалы отыр, оның 41-і - облыс әкімінің гранты бойынша жоғары білім алған мамандар. Салтанатты рәсімнің соңы мерекелік концертке және жастардың би кешіне ұласты.