Шығыс Қазақстанда жол апатынан екі адам қаза тауып, үш адам жараланды

Шығыс Қазақстан облысында жол апатынан екі адам қаза тауып, үш адам жараланды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Апат Өскемен-Самара тас жолының 74-ші шақырымында Ұлан ауданында болған. «ВАЗ-2109» автокөлігінің жүргізушісі «Мерседес» көлігімен соқтығысып қалды. Оқыс оқиға салдарынан «Жигулиде» отырған екі жолаушы оқиға орнында қаза болды. «Жигули» жүргізушісі мен екі жолаушы түрлі жарақаттармен ауруханаға жеткізілді.