Шараға қатысушыларға Нұрсұлтан Назарбаев Қорының білім беру және әлеуметтік жобалары таныстырылып жатыр, деп хабарлайды Caravan.kz медиа порталы.
13 қазан сағат 11.00-де бұл жобаларды Нұрсұлтан Назарбаев Қоры атқарушы директорының орынбасары Әлкей Марғұланұлы М. Әуезов атындағы Оңтүстік Қазақстан университетінің (Тәуке хан даңғылы, 5) студенттері мен педагогтарына таныстырады.
Сол күні осы ЖОО-да сағат 14.30-дан бастап Қордың атқарушы директорының орынбасары, заң ғылымдарының докторы, профессор, Қазақстан Конституциялық Кеңесінің бұрынғы төрағасы Игорь Роговтың дәрісі өтеді. Тақырып елдегі ең маңызды заңдардың даму тарихы туралы болмақ.
Сағат 15.00-де «Қамқорлық» жобасы аясында Қор бастамашылық еткен маңызды әлеуметтік нысандардың жұмысы таныстырылады. Түркістан облысы Қоғамдық денсаулық басқармасының «Облыстық балалар ауруханасы» ШЖҚ МКК базасындағы «Қамқорлық» ерте араласу орталығын (Шымкент қ., Қаратау ауданы, Нұрсәт шағын ауданы 125/1), «№2 оңалту орталығы» ШЖҚ МКК базасындағы «Қамқорлық» ерте араласу орталығын (Шымкент қ., Диваев к-сі, 32) және аутизмі және басқа да ақыл-ой кемістігі бар балаларға арналған орталығын (Шымкент қ., Бәйдібек би к-сі, 77а) аралайды.
Сағат 17.00-де «Талант №1» жекеменшік мектебінде (Жангелдин, 13) өңірдегі Қор күндері аясында оқудан өткен робототехник-оқытушыларға сертификаттар тапсыру рәсімі өтеді.
Нұрсұлтан Назарбаев Қорының күндері әлемдік жұлдыздардың қатысуымен өтетін ауқымды концертпен аяқталады, ол сағат 19.00-де Ш. Қалдаяқов атындағы облыстық филармонияда (Қазыбек би көшесі, 7) өтеді.