Жарияланды: 580

Шымкентте балаларға дүрсе қоя берген өгіз 8 баланы жарақаттады

Оңтүстік Қазақстан облысының Шымкент қаласында иесі беймәлім бір өгіздің балаларға дүрсе қоя беруі салдарынан 8 бала жарақаттанды. Бұл туралы Оңтүстік Қазақстан облыстық ІІББ баспасөз қызметінен KZ-today тілшісіне хабарлады.

Демалыс күні кешкісін сағат 6 шамасында қаланың орталық көшелерінің біріндегі үйдің ауласында ойнап жүрген балаларға бір өгіз күтпеген жерден тап берген . Өгіздің мүйізімен іліп алып басынан асырып лақтырып жіберген 5-жасар қыздың басын бірнеше жерден тігуге тура келді. Оқиға болған жерге полиция қызметкерлері келген кезде өгіз 8 баланы жарақаттап үлгерген көрінеді. Сөйтіп біраз уақыт әуре-сарсаңға түскен полиция қызмткерлері өгізді түн ортасы шамасында әрең деп ағашқа байлады. Қазір қаһарлы өгіздің қожайыны іздестірілуде. Ал мал дәрігерлері өгіздің құтыру мүмкіндіктерін тексеріп жатыр.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть