Бұл туралы Caravan.kz медиа порталы Stan.kz ақпарат агенттігіне сілтеме жасап хабарлайды.
Шымкенттегі карантиндік және шектеу шаралары 26 қазанға дейін ұзартылды.
Азық-түлік және азық-түлікке жатпайтын базарлар мен жәрмеңкелерде жұмыс уақыты 30 пайыздан аспайтын және бір адамға кемінде 4 шаршы метр болатын жағдайда 6.00-ден 18.00-ге дейін жұмыс істеуге рұқсат етіледі.
"Жәрмеңкелердің қызметін күшейтілген санитарлық-дезинфекциялық режимді сақтай отырып жалғастыру, оның ішінде дезинфекциялық туннель мен залалсыздандыру қондырғысын орнатуды қамтамасыз ету қажет", — делінген қарарда.
Сондай-ақ, жаңа құжат жәрменкелердегі балалар ойын алаңдары, батуттар мен фуд-корттардың жұмысына салынған тыйымды алып тастады.
Құжат Шымкент қаласы тауарлар мен қызметтердің сапасын бақылау және қауіпсіздігі департаментінің сайтында жарияланған.
Еске салсақ, Алматыда пандемияның екінші толқынына байланысты карантин талаптары күшейтілетін болды.