Шымкенттегі базарлардың бірінде 6 контейнер өртенді

Ведомствоның атап өтуінше, автомобильдердің қосалқы бөлшектері мен аяқ-кимідерді көтерме сататын «Авто-Нұр LTD» ЖШС-ның базарында 6 металл контейнер мен 7 аяқ-киім сатуға арналған сөре өртенген. Тілсіз жау шарпыған аумақ 300 шаршы метрді құрайды. Зардап шеккендер мен қаза тапқандар жоқ. Өртті сөндіруге ҚР ТЖМ Оңтүстік Қазақстан облыстық төтенше жағдайлар департаментінің өрт сөндіру қызметі жеке құрамының 56 маманы мен 7 техникасы жұмылдырылды.