Душанбе. 25 маусым. "Қазақстан Бүгін" - Иран Шанхай ынтымақтастық ұйымының Душанбе саммиті барысында ұйымның толыққанды мүшесі болуға ниет білдіріп отыр. Бұл туралы сейсенбі күні Иран Ислам Республикасының Тәжікстан Республикасындағы елшілігінде өткен баспасөз мәслихатында Иранның Сыртқы істер министрлігінің Орта Азия және Кавказ елдері жөніндегі департаментінің басшысы Манучехри Муроди мәлімдеді, деп хабарлайды "Қазақстан Бүгін" агенттігінің тілшісі "Азия-Плюс" ақпарат агенттігіне сілтеме жасай отырып.
«Иран осыдан екі ай бұрын қазіргі уақытта ШЫҰ-да төрағалық етіп отырған мемлекет ретінде Тәжікстанға толыққанды мүшесі ретінде ұйымға кіруге ықпал ету өтінішін жолдаған болатын», — деп атап көрсетті Иран дипломаты.
М. Муродидің айтуынша, қазіргі уақытқа дейін ШЫҰ-ның бір де бір мүшесі Иранның ұйымға кіруіне қарсылық танытпаған.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті