Сикстин капелласына адамдарды «тазартып» қана кіргізеді

Бұл жүйе діни мұражайдағы әйгілі қылқалам шеберлері фрескаларының жақсы сақталуына жағдай жасайды. Corriere della Sera газетіне сұх­бат берген Ватикан мұражай­лары директоры Антонио Пао­луччидің айтуынша, капелла есі­гінен 100 метрдей жерге кілем төселіп, оны басқан адамның аяқ­киімінен бастап, басына дейін шаңы, қыл-қыбыры түгел тазар­тылады. Бұған қоса, музейге ке­луші терден де арылады, өйткені қабырғадағы көркем­суреттерге шамадан тыс дымқыл да қауіп төндіреді. Сикс­тин капелласы - Қайта өрлеу дәуі­рінің ірі ескерткіші. Мұндағы фрескаларды тама­шалауға жы­лына - 5 млн, ал күніне 20 мыңға дейін адам келеді. Капелла қа­бырғаларын кезінде Боттичелли, Пинтуриккьо, Пе­руджино, Гир­ландайо, Мике­ланд­желолар өз туындыларымен безендірген.