Жарияланды: 560

Словения мен Қазақстан екі жақты байланыстарды пәрмендендірмек ниетте

Бүгінде "Словения мен Қазақстан арасындағы екі жақты байланыстарды пәрмендендіретін мерзім жетті". Бүгін, 9-қазанда Астанада ҚР сыртқы істер министрі Қасымжомарт Тоқаевпен кездесуден кейін журналистерге арнап өткізілген қысқаша баспасөз мәслихатында Словения сыртқы істер министрі Димитрий Рупел осындай пікір білдірді.

Оның айтуынша, құрылыс, фармацевтика және телекоммуникация саласында екі жақты ынтымақтастықты нығайтуға мүмкіндік бар. Сондай-ақ, Қазақстан мен Словения арасындағы достық байланыстарды нығайтып дамыту үшін екі елдің өзара құқықтық-нормативтік базасын нығайту керек,- дейді Д.Рупел. ҚР СІМ-нің мәліметіне сәйкес, 2002-жылы Қазақстан мен Словения арасындағы тауар айналымы 11,4 млн. долларды, 2003-жылдың алғашқы жартысында 9 млн. долларды құрады, ал экспорт - 1 млн., импорт- 8 млн. долларға жетті. Словения елімізден қара және түсті металл, тыңайтқыштар мен астық сатып алуға мүдделі. Ал Қазақстанға бұл мемлекет электр құрал-жабдықтары мен дәрі-дәрмектер әкеле алады. Қазір Қазақстанда словениялық үш компанияның , атап айтсақ, "Лек", "КРКА" және "Иксрател" компанияларының өкілдігі ашылған. Алдағы уақытта дәрі-дәрмек өндіретін бірлескен кәсіпорын құру көзделіп отыр. Алматыдағы зауыт құрылысы ҚР индустрия және сауда министрлігінен қорытынды алынғаннан кейін салына бастайды. Дәрі-дәрмек зауытын салу үшін 20-25 млн. доллар көлемінде инвестиция тарту көзделген, бұл қаржыны Қазақстан мен Словенияның "КРКА" компаниясы тең үлеспен шығарады. Зауыттың жобалық қуаты жылына 500 млн. таблетка өндіруге есептелген.

Пікір қалдырыңыз

Пікір қалдыру тіркелген пайдаланушылар ғана мүмкін