Солтүстік Атлантикалық Альянс болуы мүмкін жер сілкінісінің Орталық Азиядағы энергетикалық нысандарға келтіретін зардабын бағалауға 250 мың евро бөлді

Бішкек. 11 қараша. "Қазақстан Бүгін" - Солтүстік Атлантикалық Альянс Талас-Ферғана тектоникалық жарығы аймағында болуы мүмкін қуатты жер сілкінісінің Орталық Азиядағы Қырғызстан, Өзбекстан мен Тәжікстанның энергетикалық нысандарына келтіретін зардабын бағалауға 250 мың евро бөлді, деп хабарлайды агенттік тілшісі Ресейдің "Новости" ақпараттық агенттігіне сілтеме жасап.

"Ұзындығы 700 шақырымды құрайтын Талас-Ферғана тектоникалық жарығы Үнді тектоникалық плитасының әсерімен пайда болған. Ол жылына 50 миллиметр жылдамдықпен еуразиялық плитаға "кіріге түсуде". Ол Орталық Азиядағы Тоқтағұл СЭС -мен байланысты ең ірі су энергетикалық және ирригациялық жүйемен қиылысады. Бұл электр станциясының биіктігі 230 метрлік бөгені мен 20 текше шақырымдық су қоймасы бар. Нысан Қырғызстан, Қазақстан, Өзбекстан мен Тәжікстанға электр қуаты мен суармалық су береді және өңірдегі экономикалық және әлеуметтік тұрақтылық үшін айрықша маңызға ие", - деп хабарлайды агенттік. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Әріптестер жаңалығы

Пікір қалдырыңыз