Жарияланды: 540

«STOP-трафик» нәтижесінде 49 "жеңгетай" және 409 «түнгі көбелек» анықталды

23-27 мамыр аралығында өткізілген «STOP-трафик» жедел алдын алу іс-шарасы нәтижесінде 49 жеңгетай және 409 «түнгі көбелек» анықталды.

Бүгін ҚР Ішкі істер министрлігінің Криминалдық полиция комитеті осындай ақпарат таратты. 109 адам жеке басын анықтайтын арнайы әлеуметтік мекемелеріне орналастырылды, олардың ішінде ТМД-ның 63 азаматы бар. Осы топтағы 114 азамат Қазақстанның көші-қон заңнамасын бұзған. Мысалы, Алматы облысының ІІД ҰҚҚ КБ-ның қызметкерлері нәпсіқұмарлық пайдалану мақсатында қыздарды алдап-арбаумен, жезөкшелікке тартумен және бас бостандығынан заңсыз айырумен, сондай-ақ жезөкшелікпен айналысу үшін қылмыстық топ құрып, оны ұзақ уақыттан бері басқарған облыс тұрғынын ұстап, оған қатысты қылмыстық істі қозғады. Маңғыстау облысының ІІД ҰҚҚ КБ-ның қызметкерлері облыс тұрғынын 50 000 теңгеге сатқан 33 жастағы әйелді ұстады. Ал Алматы қаласының ІІД ҰҚҚ КБ-ның қызметкерлері қаладағы қонақ үйлердің бірінде Оңтүстік Қазақстан облысынан шыққан қыз баланы ұрлап, оны жезөкшелікпен айналысуға итермелеген алматылық азаматты құрықтады.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть