Теңге тағы нығая түсті

Ұлттық валюта бағамы KASE қор биржасының күндізгі сессиясында долларына 319,42 теңгеге тең болды. Ұлттық валюта 2015 жылдың соңында осындай деңгейде болған еді. Ал бүгінгі таңғы сауданың қорытындысында доллар 320,33 теңгеге тең еді.

Сауда көлемі 92,5 миллионға жетті, деп хабарлайды Tengrinews.kz тілшісі. Минималдық құны — 319,00 теңге, ал максималдық құны — 321 теңге. Ұлттық валюта бағамы айырбас пункттерінде де өзгерді. Kurs.kz мәліметінше, доллар 319 теңгеге бағаланып отыр.