«Нью-Йорк полициясы модель қыз Руслана Коршунованың өлімі өзіне-өзі қол жұмсау салдарынан болғанын ресми түрде растады. Associated Press хабарына сәйкес, Нью-Йорк полициясының басқармасы сот-медициналық сараптама қорытындысы бойынша тиісті мәлімдемені жария етті», — деп хабарлайды агенттік.
Бұдан бұрын да хабарлағанымыздай, кеше Нью-Йоркте Қазақстанның белгілі топ-моделі Руслана Коршунова қайтыс болды.
РБК хабарламасына сүйенсек, Vogue атты еуропалық белгілі сән журналының бет-бейнесі болған Р. Коршунова Манхэттендегі ғимараттың 9 қабатынан құлап түскен.
«Қайғылы оқиғаның нақты себептері әзірге белгісіз. Алайда, полиция 20 жастағы модель өзін-өзі өлтірді деп болжам жасап отыр. Қыздың денесінде ешқандай соққы іздері байқалмаған», — деп көрсетілген РБК хабарламасында.
Сол арада бірқатар батыс ақпарат құралдарының хабарлауынша, қыздың достары оның өзін-өзі өлтіруге ешқандай себебі болмағанын мәлімдеген.
«Алғаш рет марқұм 2003 жылы көзге түскен. Сол кезде Models 1 сән агенттігінің аға агенті Дебби Джонс Алматы туралы мақаласында Р. Коршунованың фотсуретін атап өткен», — деп хабарлайды РБК.
«2005 жылы 17 жастағы бойжеткен Нью-Йорктегі сән апталығының басты жаңалығы болған. Содан кейін-ақ оның тасы өрге домалай бастаған», — деп түсіндіреді ақпарат агенттігі.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті