Бұл туралы Caravan.kz порталы "Көреміз" ток-шоуына сілтеме жасап хабарлайды.
Ересек әйелмен көңіл жарастырып, күдікті болып шыға келген Ақарыс Мырзабаевқа тағылған айыптың қаншалықты рас екендігін полиция қызметкерлері анықтап жатыр.
Дегенмен 22 жасар жігіттің анасы Ақнұр Мырзаева баласының кінәсіз екендігіне сенімді.
"Менің балам өте жуас. Ана әйел басын айналдырып алған. Балам менің қасымда ұйықтайды. Түнде хабарласып мен мына жерде тұрмын ағаңның көлігімен алып кет дейді. Ұлым жуас күліп қойып, иә деп көне салады. Басын әбден айналдырған",- дейді Ақнұр Мырзаева.
Бұған қоса 11 жас үлкен ғашығы жас баланың көзіне шөп салған көрінеді. Ұрып-соғуға да сол себеп болса керек.
Ал, 4 баланың анасы Айдананың айтуы бойынша Ақарыстың өзі бірінші болып сезімін білдіріпті. Өзінен едәуір кіші баланы көзге ілмей біраз қарсыластым, — дейді.
"Мен оған түсіндіріп айттым. Менің төрт балам бар, мен тұрмысқа шықпаймын деп. Қарсылық білдірдім. Онымен ол доғарған жоқ.",- деді Айдана.
Қазіргі таңда Ақарыс екі бап бойынша тергеліп жатыр. Ғашығына зорлық-зомбылық көрсетті және үйін өртеп жіберді деген күдікпен тергелуде.
Желі оқырмандары: "Барлық кінә қатыннан, басын айналдырған","Жақсы көріп қалғана шығар","Балада ми жоқ","Соған кетірген ақшасын анасына берсе болмай ма?","Сабақ болса екен басқа ер азаматтарға", -деп жазды.
