Алматы. 15 тамыз. "Қазақстан Бүгін" - Ауғанстанның тәуелсіздік күніне орай Түрікменстан 20 тонна азық-түлік пен мектеп оқушыларына арналған керек-жарақтарды тарту етеді. Бұл туралы Түрікменстан президенті Гурбангулы Бердымухаммедов 14 тамызда Ауғанстан президенті Хамид Карзаймен телефон арқылы әңгімесі барысында мәлімдеді, деп хабарлайды агенттік тілшісі Turkmenistan.ru агенттігіне сілтеме жасап.
Г. Бердымухаммедов Х. Карзайды алдағы мерекемен құттықтап, көрші елдің халқына бейбітшілік пен игілік тіледі, өзара рухани тамыры бір достық пен бауырластық байланысты қолдайтынын атап өтті.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті