Жарияланды: 380

Турист Алматы тауларындағы жартастан құлады

Турист Алматы тауларындағы жартастан құлады

Зардап шеккен ер адам туралы ақпарат 11 қыркүйекте, Республикалық жедел-құтқару жасағының құтқарушыларына келіп түсті. ТЖД жедел кезекшісінің айтуынша, Үлкен Алматы шыңы ауданында турист құлап, екі аяғын жарақаттаған. Бұл туралы Республикалық  жедел-құтқару жасағы баспасөз қызметі мәлімдемеді.

РЖҚЖ жедел тобы дереу оқиға орнына шықты. Жедел автокөлікпен Космостанцияға дейін жеткен құтқарушылар, әрі қарай жаяу жүріп шықты. Біраз уақыттан кейін, Проходное шатқалы арқылы зардап шегушіге көтерілетін тағы бір жедел топты іске қосу туралы шешім қабылданды.

Ер адам 12 қыркүйек таңғы сағат 5-те қол жетімді емес жартасты жерден табылды, жанында екі жол серігі бар екен. Туристер Үлкен Алматы шыңына қарай жолға шыққан. Алайда өз күштерін бағалап, шыңға қараңғылық түскенге дейін үлгермейтіндіктерін түсініп, артқа қайтқан. Олар қайтар жолды қысқартуды жөн көріп, бағыттан  адасып кеткен.  Нәтижесінде үлкен бөртпелерден тұратын қауіпті тік жерге тап болған, салдарынан жігіт бес метрлік жартастан құлап, екі аяғын жарақаттады.

Оқиға орнында РЖҚЖ құтқарушылары ер адамға алғашқы медициналық көмек көрсетті. Жәбірленуші қанағаттанарлық жағдайда болғанмен, қатты ауырсынуды сезінуде. Күрделі таулы рельефтен өзге, құтқару жұмыстарын ауа-райының жағдайы айтарлықтай қиындатты, тауда қатты жел және жаңбыр аралас қар жауды. Зардап шегушіні зембілмен ұзақ уақыт тасымалдау мүмкін болмады, себебі жағдайы нашарлауы мүмкін. Әуе кемесі керектігі туралы көмекке "Қазавиақұтқару" АҚ-на жүгінуге шешім қабылданды.

РЖҚЖ құтқарушылары ер адамды зембілмен тікұшаққа тапсыруға ынғайлы жерге дейін тасымалдады. "Қазавиақұтқару" АҚ бортында РЖҚЖ қызметкерлері туристі Үлкен Алматы шатқалындағы тікұшақ алаңына дейін эвакуациялап, Апаттар медицина орталығының қызметкерлеріне тапсырды.

Пікір қалдырыңыз

Пікір қалдыру тіркелген пайдаланушылар ғана мүмкін