Баспасөз қызметінің ақпаратына сүйенсек, С. Лебедев президентке кездесу мүмкіндігіне алғысын білдіріп, ТМД үкімет басшыларының кеңесінің отырысына дайындық жөнінде хабардар етті.
«Өз кезегінде Г. Бердымухаммедов Түркіменстан алдағы отырысқа аса мән беретінін және қабылдаушы тарап жағынан оны өткізуге қолайлы жағдай жасап, жоғарғы деңгейде қамтамасыз ету үшін барлық жағдай жасалатынын атап көрсетті», — деп көрсетілген хабарламада.
Сонымен қатар, Атқару комитетінің мәліметтеріне сүйенсек, кездесу барысында, ТМД аясындағы ынтымақтастықтың әртүрлі аспектілерін және оның даму мүмкіндіктерін қамтитын мәселелер талқыланған. Жақын уақытта басымдыққа ие болатын ТМД-ға мүше мемлекеттердің көлік саясаты мәселесіне ерекше назар аударылды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті