Жарияланды: 260

Түркия президенті "Еуроодақпен қош айтысатынын" мәлімдеді

Түркия президенті "Еуроодақпен қош айтысатынын" мәлімдеді

Анкарамен келіссөздердің жаңа тарауы ашылмаса, Түркия Еуроодақ құрамына енуден бас тартады.

Бұл туралы ел президенті Режеп Тайип Ердоған мәлімдеді, - деп хабарлайды РИА Новости. 

"Олар мұны жасамайтын болса, сау болсын. Түркия есік алдында күтетін құл емес. Пункттер ашық болса, отырып, әңгімелесеміз. Бұлай болмаған жағдайда сөз шығындамаймыз", - деп мәлімдеді Ердоған Түркияның билеуші партиясының парламенті депутаттарының алдында.  Осыған дейін Ердоған осы мәселе шешілмесе, сонымен қатар, одақ мүшелерінің арасында қазіргі жаугершілік көңіл-күй сақталса, Анкараның ЕО құрамына кіру бойынша позициясын қайта қарайтынын айтқан.  Ал өз кезегінде Германия билігі Түркияның Еуроодаққа ену жөніндегі келіссөздерін тоқтатуға қарсылық білдірген. 

Еске салайық, Анкара Еуроодақ мүшесі болу туралы өтінішін 1987 жылы түсірген еді. 2005 жылы ғана басталған келісөздер тараптардың пікір қайшылығына байланысты кейінге шегеріліп отырған.
 

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть