Жарияланды: 550

Үкімет басшысы энергетикалық ресурстарды ішкі және сыртқы нарыққа шығаруға түрлі салық салуды ұсынады

Үкімет басшысы энергетикалық ресурстарды ішкі және сыртқы нарыққа шығаруға түрлі салық салуды ұсынады

Астана. 13 тамыз. "Қазақстан Бүгін" - Үкімет басшысы Кәрім Мәсімов энергетикалық ресурстарды ішкі және сыртқы нарыққа шығаруға түрлі салық салуды ұсынады. Бұл туралы ол бүгін бәсекелестік туралы заң жобасы талқыланған "дөңгелек үстел" барысында ұсыныс жасады, деп хабарлайды агенттік тілшісі.

"Мен жалпы алғанда шикізатты ішкі нарық пен сыртқы нарыққа шығаруға салынатын салық өзара айырмашылықта болуға тиіс деген ұстанымды қолдаймын", - деді Кәрім Мәсімов. "Бірінші кезекте бұны мен ішкі нарықтағы инфляциялық қысымды төмендету үшін ел ішіне мұнай, мұнай өнімдері мен көмір шығару жайлы айтып отырмын. Оны қалай жүзеге асыру керектігі жайлы біз әлі де талқылайтын боламыз. Жалпы алғанда ұстаным осындай",- деді Кәрім Мәсімов. Сонымен бірге ол ҚР Табиғи монополияларды реттеу агенттігі "монополиялық жоғары кіріс болмауы үшін, шикізат сатушыларға салық салуды жіті қадағалауға тиіс" деген пікірде. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть