Бұл туралы Энергетика министрі Владимир Школьник мәлім етті.
«Мұнай. 2015 жылы мұнайдың арзандауына байланысты еліміздегі барлық мұнай өндіру компаниялары шығындарды қысқартты. Дегенмен, қазір біз үкіметтің экономикалық блогымен негізгі деген өндіруші компаниялардың қаржылық ахуалын сараптап жатырмыз. Наурыз айының соңына дейін компаниялардың мұнай өндіру көлемін сақтап қалуы үшін және әлеуметтік міндеттемелерін өтеуіне мүмкіндік беру мақсатында салынатын салықты оңтайландыру мен инвестициялық шығындарды қысқарту шараларын қолға алмақпыз», — деді ол үкіметтің кеңейтілген отырысында.