Жарияланды: 160

Ұлттық валютаның қазақтануы астарында үлкен саясат бар немесе доллар – 3,76 теңге болуы мүмкін бе?

Ұлттық валютаның қазақтануы астарында үлкен саясат бар немесе доллар – 3,76 теңге болуы мүмкін бе? Сурет - videoblocks.com

Бұрын бағымызды байлап келген қос тілді Теңгенің қазақтануы астарында үлкен саясат бар. Оның бірі – латын жазуының енуі болса, екіншісі - Ресей рублінің құнсыздануының кесірі тиюден құтқаратын деноминация.

Бұл жайлы Abai.kz жазды. 

Халықтың ашу ызасын басу үшін Биліктің теңгені әрі қазақтандырып, әрі деноминациялау қадамына амалсыз барғалы отырғанын Альпари ақпараттық-аналитикалық орталығының директоры Александр Разуваев бірінші болып сөз етті (https://dknews.kz/ekonomika/stoit-li-kazahstanu-zadumatsa-o-denominaci). Әлемдік экономикалық теория бойынша деноминация инфляция 10% құрағанда қолға алынады. Ресми деректерге сенер болсақ, Сағынтаев Үкіметінен қалған мұраның бірі еліміздегі жылдық орташа инфляция 5,2% құраса, биылғы жылдың соңында –4-6% болады деп жобалануда. Бұндай шығарып салма есептеулермен күн сайын бағаның өсуіне көзі үйренген, қаны қарайған халықты ешкім алдай алмайды.

Ұлттық ақшасына деноминация жасау ЕурАзия кеңістігіндегі Ресейде 1998 жылы ал, Белорусь елінде 2016 жылы орын алды.

Егер халықтың әлеуметтік белсенділігін төмендетуге бағыт ұстанған деноминация жүргізілсе, онда доллар – 3,76 теңге, еуро – 4,26 теңге, ал рубль – 5,74 тиын болады деген пікір алға тартыла бастады. Әрі бұл қадам Қазақстанның Ресей ықпалынсыз, Орталық Азия елдерінің көшбасшысына айналуындағы алғашқы экономикалық талпынысы дейді бізді өзімізден де жақсы білетін орыстың сарапшылары.

Егер осы теңгеге жасалатын «Деноминация дертімізге дауа бола ма?» ауыр сұрақ санамызды мазалайды.

Пікір қалдырыңыз

Пікір қалдыру тіркелген пайдаланушылар ғана мүмкін