Жарияланды: 720

Вена қаласында Еуропадағы қауіпсіздік және ынтымақтастық ұйымының ғаламдастыру мәселесіне арналған 1-халықаралық конференциясы басталды

3-шілдеде Вена қаласында Еуропадағы қауіпсіздік және ынтымақтастық ұйымының ғаламдастыру мәселесіне арналған 1-халықаралық конференциясы басталды. Оған ұйымға мүше барлық 55 мемлекеттен 200-ден астам өкілдер қатысуда. Бұл туралы KZ-today тілшісіне Еуропадағы қауіпсіздік және ынтымақтастық ұйымының ресми сайтында жарияланған хабарламадан белгілі болды.

Ұйым төрағасы, Экономикалық ынтымақтастық және даму жөніндегі Ұйымдағы Нидерланды өкілі Франс Энгерингтің айтуынша, "құқықтық институттарды құру және тиімді менеджментті қалыптастыру жолымен ғаламдастыру процессімен бетпе-бет келуге дайындалып жатқан елдер ғаламдастырудан артықша пайда табады, соның арқасында кедейлікті жеңіп, теңсіздікті жоя, қауіпсіздікті қамтамасыз ете алады". Франс Энгерингтің айтуынша, бұл тұрғыда Еуропадағы қауіпсіздік және ынтымақтастық ұйымының ролі - құқықтық институттарды құру және демократияландыру процесстеріне қолұшын беруге, экономикалық және әлеуметтік ғаламдастыру процессіне атсалысқалы отырған елдерге ашықтық пен адам құқығын қорғауды қамтамасыз етуге жәрдемдесуге саяды.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть