Бірнеше күннен бері белгісіз біреулер «балаларға арналған кейбір препараттар адам өміріне аса қауіпті. Ондай дәрілерді қабылдаған бүлдіршіндер шетінен аллергиядан қайтыс болып жатыр» деп жазып, Watsapp желісі арқылы жұртқа таратыпты. Яғни кішкентайлардың қызуын түсіретін, жөтел мен ангинаны басатын антибиотик пен дәрілерді ішсеңдер өлетіндерін жазған. Бірақ Денсаулық сақтау министрлігі бұл ақпаратты жалған, қып-қызыл жала деп отыр. Тіпті Ұлттық қауіпсіздік комитеті, Бас прокуратура мен Ішкі Істер министрлігіне арыз жазып, елді шулатқандарды жауапқа тартылуын талап етуде.
Наталья Метелкина, Денсаулық сақтау және әлеуметтік даму министрлігі , Дәрілік заттардың пайдалануын бақылау басқармасының бас сарапшысы:
-Денсаулық сақтау министрлігі препараттардың сапасына үнемі мониторинг жүргізеді. Сондықтан ата-аналардың алаңдауына еш негіз жоқ.