Жаңа заңға сәйкес, базалық зейнетақы бәріне бірдей төленбейді. Қарттығын қамсыз өткізгісі келетіндерге қазірден бастап тыным таппай жұмыс істеуге тура келіп тұр. Себебі, енгізілген өзгеріске сай егер азамат ондаған жылдар бойы, қорға бір тиын да аудармаса, ақшадан қағылады. Яғни, жасы келіп жұмыстан босағанда базалық зейнетақысының көлемі 10 мың теңгеден ары аспайтын болады. Қысқасы, Үкімет зейнетақыны еңбек өтіліне сай төлейді. Ол көп болса, ақша да еселеп аударылмақ. Осылайша, шенеуніктер халықты масылдықтан арылтып, көбірек жұмыс істеуге ынталандыруды жоспарлап отыр.
Тамара Дйүсенова, ҚР Денсаулық сақтау және әлеуметтік даму министрі:
-Енді қазақстандық азаматтар 3 деңгейден зейнетақы алатын болады. Базалық зейнетақы, жұмыс берушілердің 5 пайыздық жарналарына төленетін зейнетақы және өзінің 10 пайыздық жарнасы. 1998 жылдың 1 қаңтарына шейін 6 айлық стажы болатын болса оған республикалық бюджеттен ортақ зейнетақы төлене беретін болады.