Зейнетақы туралы жаңа заң жалақыға әсер етпейтін болды

Бүгін Мәжіліс үлкен талас тудырған «Зейнетақымен қамту» туралы құжатты екінші оқылымда да бекітті. Енді 3 жылдан соң жұмыс берушілер бірыңғай жинақтаушы қорына әр қызметкері үшін 5 пайыз салымын аударуға заңмен міндеттеліп отыр.

Десек те, шенеуніктер бұл өзгерістен жалақы азаймайды деп уәде етті. Жұмыс берушілер сол 5 пайызды еңбекақыдан жыратын болса, ірі көлемде айыппұл салынбақ. Бір анығы — 2018 жылдан бастап зейнетақыға үш тарап: мемлекет, жұмыс беруші мен азаматтардың өзі жауапты. Бұл барлық Еуропа елдерінде бар тәжірбие. Әдеттегі 10 пайызға тағы 5 пайыз қосылған салым қарттықтың қамсыз өтуіне тиімді болмақ. Бұл заң қабылданбаған жағдайда бюджеттің түсімі 64 миллиард теңгеге азаятынын да айта кетейік.

</br>