Облыстық соттың баспасөз қызметінен түскен мәліметке қарағанда, Нұрышевпен бірге «Спецкомплектация» ЖШС-ның қосымша құрылтайшысы болып табылатын кәсіпкер Виктор Невгад та қылмыстық жауапкершілікке тартылды.
Сот талқысында белгілі болғанындай, «Жайықжылуқуат» АҚ-ның бас директоры кәсіпорын қаржысын ұрлау мақсатында өзінің жақын таныстарынан ұйымдасқан қылмыстық топ құрған. Сол үшін «Спецкомплектация» ЖШС-мен тұрба әкелуге жалған келісімшарттар жасалған, шын мәнінде қаржы қолма-қол ақшаға айналдырылып, ұрланған. Соның салдарынан «Жайықжылуқуатқа» 140 млн. астам теңге көлемінде материалдық шығын келтірілген.
Р.Нұрышев ҚР ҚК 235-бабы 3-бөлімі, 176-бабы 4-бөлімі, 307-бабы 4-бөлімі бойынша айыпты деп танылып, мүлкін тәркілеумен бірге мемлекеттік мекемелерде лауазымды қызмет атқару құқығынан бес жыл мерзімге айырылып, жазасын қатаң режимдегі колонияда өтеуге 10 жылға сотталды.
В.Невгад ҚР ҚК 235-бабы 2-бөлімі, 176-бабы 4-бөлімі «а, б» тармақтары, 28-бабы 4-бөліміне сәйкес мүлкін тәркілеумен және мемлекеттік мекемелерде лауазымды қызмет құқығынан 4 жылға айырумен бірге жалпы режимдегі колонияда жазасын өтейтін болып, оған 4 жыл жаза кесілді. Бұған дейін үйқамақта болған В.Невгад сот залында тұтқындалды.