Жамбыл облысында отарба мен автобустың соқтығысуы салдарынан жолаушылар зардап шекті

Бүгін, 3-мамырда Жамбыл облысындағы Шайқұрық-Аса темір жол өткелегінде "Алматы -Жаңатас" бағытында қатынайтын жүк таситын отарба мен Алматыдан Сарыағашқа жол тартқан Мерседес маркалы жолаушылар автобусы соғысып қалды. Бұл туралы KZ-today тілшісіне Жамбыл облыстық төтенше жағдайлар жөніндегі департаментінің баспасөз қызметінен хабарлады.

Апат салдарынан автобуста отырған жеті жолаушы зардап шегіп, олар Тараздағы жедел жәрдем ауруханасына жеткізілді. Қаза тапқан ешкім жоқ.

Отарбалардың қозғалысы бір сағатқа үзілді. Ал қазір қозғалыс бұрынғы режимде қайтадан жанданды.