«Денсаулық сақтау мәселелері үкіметтің болашақ бағдарламасының негізіне айналады», деді К. Мәсімов. «Біз қаржыландыру мәселесінің өсуін емес, ауру санын төмендетуді міндет етуіміз керек»,-дейді үкімет басшысы. «Біздің мақсатымыз, ауырғаннан гөрі дені сау болған тиімдірек болатындай жүйе қалыптастыруымыз қажет», деп атап өтті ол.
Премьер-министрдің айтуынша, қазіргі денсаулық сақтау жүйесінің басты проблемасы ол: «басқару деңгейінің төмендігі мен жемқорлық». «Шымкенттегі жағдай осының дәлелі»,-деді К.Мәсімов.
Сонымен қатар, үкімет басшысының пайымдауынша, денсаулық сақтау министрлігі алдындағы басты мақсат: «халықаралық стандарттарды қамтамасыз ету».
К.Мәсімов сөз соңында : «денсаулық сақтауға қатысты мәселе туындағанда, өзге мәселе маңызды емес. Сондықтан да денсаулық проблемасы үнемі Елбасының және менің назарымда болады», деді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті