«Біз Лондондағы, өзге қалалардағы сияқты ақылы, дұрыс автотұрақтарды сынақтан өткізіп болдық. Келесі жылдан бастап жаппай, өркениетті ақылы тұрақтар жұмыс істейді», — деді А.Есімов сейсенбі күні Алматы халықаралық инвестициялық форумында.
«Содан соң келесі жобаны жүзеге асырамыз. Ол – ақылы жолдар, қалаға кірерде ақы төлеу және шаһарға кіреберіске тұрақтары бар автовокзалдар салу жобалары», — деді әкім.
«Ол үшін біз қоғамдық көлікті дамытып, оны қаланың сыртына дейін шығаруымыз керек. Ол жерде ақылы тұрақтар болады, сырттан келгендер сол жерге көлігін қояды. Сонда шаһарға келетін көлік санын 30 пайызға қысқартамыз деп ойлаймын», — деді ол.