«Соның салдарынан ішкі істер департаменті басшысының орынбасары, әкімшілік полиция басқармасы басшысының орынбасары және тірке-емтихан бөлімінің басшысы қызметінен босатылды», — деп «Интерфакс-Қазақстан» агенттігіне құқық қорғау органындағы дереккөз мәлімдеді.
Облыстық ішкі істер департаментінің баспасөз хатшысы Салтанат Қаракөзова жоғарыда аталған лауазымды тұлғалардың қызметтен алынғанын растады.
Бұрын хабарланғандай, Оңтүстік Қазақстанда Прибалтика мен Ресейден әкелінген бірнеше көлікті рәсімдеу кезінде техникалық төлқұжаттың бір нөмірі бірнеше рет қолданылуына қатысты он шақты факті анықталған.